今日剛好係呀仔 18 個月大...

多得颱風 "莫拉菲".............唔少...

本來計劃今個週末 "兩日一夜" 短遊, 順便為呀仔慶祝歲半大日子, 但因為颱風關係, 短遊計劃要延期至下個週末.  又正因為要延期至下個週末, 所以唔能夠參加 "星星同學會茶聚"!!! 一個颱風 , 攪亂兩個計劃!! 激氣!!

過去一個月, 進步欠奉, 反而係退步...

.

生長

身高 - 約 82cm (無變)  

牙齒 - 8隻 (無變)

重量 - 唔知...

.

習慣

仍然係 3 餐奶, 2 ~ 3 餐固體食物, 少量生果, 開始食 yogurt 同 "淺嘗" 雪糕等等生冷食物.  其實踏入歲半期間, 本應開始食少一餐奶, 但始終佢固體食物食得唔多, 如果再減一餐奶...會唔會唔夠營養? 所以, 暫時都係 3 餐奶...

餵飯依然令人苦惱!!  全完大倒退!!  經常用匙羹篤飯碗, 無心機食, 仍然依賴被人餵, 食到一半就要起身離坐, 之後就要兵捉賊追住餵...唉...

還未開始 toilet training, 原因係佢有點抗拒, 所以...暫時都係順其自然...

.

行為:

超級牙痕, 經常咬手指...

開始鍾意爬梳化, 爬 枱爬 櫈... 

終於...識自己拉門柄開門, 重有企圖鎖門...奐然之...需要更加嚴謹地看實佢...

卡通片絕對有無比o既魔力...

喜歡將 "某些" 東西放會原位...但係叫佢 clean up 往往得我自己o係到噏...大倒退!!!

.

好似無進步...

講o野依然係 lee lee lur lur...偶爾好似重覆我o既音調...

會 "嗯", 意思係 "好", 例如問佢: "開奶奶好唔好?" 佢會不停:"嗯, 嗯,嗯..." 但仍未學識點頭...